Evrópa unga fólksins er íslenska heitið á Ungmennaáætlun Evrópusambandsins, Youth in Action, og er samstarfsverkefni ESB, mennta- og menningarmálaráðuneytisins og UMFÍ. Áætlunin veitir styrki fyrir ungt fólk á aldrinum 13-30 ára og þá sem starfa með ungu fólki.
Á hverju ári veitir Evrópa unga fólksins á Íslandi um 1.400.000€ í styrki til góðra verkefna sem skipulögð eru af ungu fólki og/eða fyrir ungt fólk. Ekki hika við að hafa samband ef þú hefur áhuga á að sækja um styrki fyrir þínu verkefni.
Evrópa unga fólksins mun í næstu viku halda fjölþjólega námskeiðið To Live is To Learn. Þangað mæta 19 þátttakendur frá 13 löndum og verður námskeiðið haldið á KEX-Hostel í miðborg Reykjavíkur. Námskeiðið verður 5 heilir dagar og hefst formlega á mánudagsmorgun og lýkur á föstudagskvöldi.
Þátttakendur á námskeiðinu eru allir einstaklingar sem vinna með ungu fólki í Evrópu en námskeiðið verður leitt af þremur erlendum þjálfurum. Markmið námskeiðsins er að kynna fyrir fólki sjálfsmiðað nám (self-directed learning) og munu tveir íslendingar taka þátt í námskeiðiðnu. Íslendingum sem starfa með ungu fólki stendur til boða að sækja fjölmörg álíka námskeið um alla Evrópu og má sjá lista yfir þau hér.
Efni vefritsins: Nýtt merki EUF, Myndband um útfyllingu umsókna, heimasíða EUF á ensku, námskeið í Evrópu, Evróvisis hornið og fleira.
3.tbl 3.árg - maí/júní 2012
Í tilefni af Evrópudeginum, 9. maí, hefur Evrópustofa blásið til Evrópuviku með fjölda viðburða. Evrópa unga fólksins mun ásamt öðrum styrktaráætlunum ESB sem Ísland tekur þátt í vera á Evrópuhátíð í Hörpunni sunnudaginn 13. maí frá klukkan 13-17. Þar að auki verður sýningin ESB í máli og myndum ásamt því að rjómi ungra íslenskra uppistandara og Blár Ópal skemmta gestum. Einnig verðar stórir tónleikar í Eldborgarsal Hörpunnar um kvöldið en nánari upplýsingar má finna í Dagskrá Evrópuviku
Markmið: Að kynna fyrir þátttakendum hvernig hægt er að auka sýnileika EUF verkefna of vinna að miðlun og nýtingu niðurstaðna verkefna. Þátttakendur fá færi á að deila sinni reynslu og læra af því sem aðrir hafa gert.
Hvar: A Guarda, Spáni
Hvenær: 31. maí - 6. júní 2012
Umsóknarfrestur: 15. september 2012
Markmið: Að þjálfa þátttakendur í að nota útivist sem tæki í starfi sínu með ungu fólki. Ætlast er til þess að þátttakendur séu viljugir til að fylgja námskeiðinu eftir með þátttöku í fjölþjóðlegu EUF verkefni
Hvar: Hilversum, Hollandi
Hvenær: 1. september - 7. september 2012
Umsóknarfrestur: 2. júlí 2012
