13. Unglingalandsmót Ungmennafélags Íslands verður haldið dagana 30. júlí til 2. ágúst 2010 í Grundarfirði. Unglingalandsmótin hafa svo sannarlega sannað gildi sitt sem glæsilegar fjölskyldu- og íþróttahátíðir þar sem saman koma þúsundir barna og unglinga ásamt fjölskyldum sínum og taka þátt í fjölbreyttri dagskrá.

Unglingalandsmótin eru ávallt haldin um verslunarmannahelgar og hafa sem slík mikið forvarnargildi. Mótin eru ætluð ungmennum á aldrinum 11-18 ára og er keppt í fjölmörgum íþróttagreinum frá föstudegi til sunnudags.

Nánari upplýsingar um unglingalandsmótin er að finna á www.ulm.is