Aðalforgangsatriði Evrópu unga fólksins er virk þátttaka ungs fólks í samfélaginu. Helsta markmiðið er að hvetja ungmenni til að vera virkir þjóðfélagsþegnar. Þátttakan getur verið af ýmsum toga eins og fram kemur í samþykkt Ráðherraráðs ESB um sameiginleg markmið varðandi þátttöku unga fólksins og upplýsingar fyrir það:

Markmiðin eru:

• Að auka þátttöku ungs fólks í samfélaginu.
• Að auka lýðræðislega þátttöku ungs fólks. 
• Að leita leiða til að kenna ungmennum að taka virkan þátt (láta til sín taka).  

Verkefni, sem njóta fjárhagslegs stuðnings Evrópu unga fólksins, eiga að endurspegla þessa þrjá þætti með því að nota aðferðir sem kenna ungmennum að taka virkan þátt því umhverfi sem það hrærist í.

Eftirfarandi þættir varpa ljósi á þau meginatriði sem skipta máli varðandi virka þátttöku í verkefnum Evrópu unga fólksins:

• Að skapa tækifæri til raunverulegra samskipta meðal þátttakenda, svo að komist verði hjá óvirkni þátttakenda.
• Að virðing sé borin fyrir þekkingu og hæfni einstaklingsins.
• Að ábyrgjast að ungmennin hafi áhrif  í verkefnunum  sem þau taka þátt í.
• Að þátttakan sé jafn mikill hluti af lærdómsferli og niðurstaðan.
• Að nálgun og afstaða skipti meira máli en sérstök þekking eða tækni.

Með þátttöku er ýtt undir aukinn þroska og færni ungs fólks. Sem dæmi má nefna:  

• Unga fólkið og leiðbeinendur þess skiptist á hlutverkum
• Efld sé færni ungs fólks við að greina aðstæður (málin sett í þeirra hendur).
• Ýtt sé undir sjálfsgagnrýni undir handleiðslu leiðbeinanda
• Þátttakendur deili með sér hugmyndum og upplýsingum.

Að taka þátt er ekki það eina sem skiptir máli.  Þátttaka í verkefni er háð viðhorfum og eigin líðan.

Í víðum skilningi ætti að líta á þetta atriði sem aðferð til að gera ungu fólki kleift að taka virkan þátt í verkefnum Evrópu unga fólksins á öllum stigum. Með öðrum orðum, það á að hafa samráð við unga fólkið og leyfa því að taka þátt í þeim ákvörðunum sem kunna að hafa áhrif á verkefni þess. 

Ennfremur hvetur áætlunin Evrópa unga fólksins ungt fólk til þess að taka þátt í verkefnum sem hafa jákvæð áhrif á samfélagið almennt.