Það er forgangsatriði í áætluninni Evrópu unga fólksins að efla skilning ungs fólks á því að það sé evrópskir borgarar.

Markmiðið er að hvetja ungt fólk til þess að velta fyrir sér evrópskum málefnum og gera ungmennin að þátttakendum í umræðum um uppbyggingu og framtíð Evrópusambandsins. Til að ná þessu fram þurfa verkefnin að sýna fram á mikla evrópska vídd og ýta undir umræðu um evrópskt þjóðfélag og gildismat þess.

Hugtakið Evrópuvídd er yfirgripsmikið. Til þess að skoða það nánar ættu verkefni í Evrópu unga fólksins að bjóða ungu fólki frá ólíkum Evrópulöndum upp á möguleika á að skilgreina sameiginleg gildi þrátt fyrir ólíka menningarheima.

Verkefnin ættu líka að örva ungt fólk til að hugleiða nauðsynleg grunneinkenni evrópsks samfélags og framar öllu öðru að hvetja þau til að taka virkan þátt í samfélagi sínu. Nauðsynlegt er að unga fólkið upplifi sig sem Evrópubúa til þess að átta sig á hlutverki sínu við mótun Evrópu nú og í framtíðinni.  Þess vegna ætti verkefni með Evrópuvídd ekki einungis að snúast um að uppgötva Evrópu, heldur enn frekar miða að uppbyggingu hennar.