Mikil fjöldi verkefna er í boði í hverju landi og því gott að vera með ákveðnar hugmyndir um hvernig sjálfboðaliðastarf þig langar að vinna og hvert þú værir helst til í að fara.

Hægt er að sjá öll verkefni sem í boði eru í EVS gagnagrunninum.

Þar er hægt að þrengja leitina t.d. eftir landi, borg eða þema, en ekki er nauðsynlegt að fylla í alla reiti. Síðan er ýtt á hnappinn "Submit Query" og þá birtast þau sjálfboðaliðastörf sem eiga við þína leit.

ATH: að þær dagsetningar sem eru gefnar upp sem approval date er einhvað sem þið eigið ekki að hugsa um, þessar dagsetningar merkja hvenær verkefnið var samþykkt en ekki hvenær það er í gangi.

Þegar þú hefur fundið áhugavert verkefni, skaltu hafa samband við ábyrgðaraðila þess til þess að athuga hvort verkefnið sé laust. Þar skal koma fram númer og heiti verkefnisins, hvenær þú getur hafið sjálfboðastarfið og hversu lengi þú getur verið í verkefninu.

Það getur verið gott að hafa samband við EVS sendisamtök á Íslandi áður en leitað er að verkefni. Þau gætu mögulega þegar verið með samstarfsaðila með rétta sjálfboðaliðastarfið fyrir þig. Sendisamtökin geta líka aðstoðað þig við að gera ferilsskrá og fylgibréf, en þau munu vera tengiliður þinn á Íslandi ef þú ferð út sem EVS sjálfboðaliði.

Þegar sótt er um til móttökusamtaka að komast að í sjálfboðaliðaverkefni þarf að senda þeim ferilsskrá og fylgibréf.

• Ferilskrá (CV) þar sem tekið er fram menntun, fyrri störf og reynsla sem getur nýst viðkomandi.
• Fylgibréf (Motivation letter) þar sem fram koma ástæður þess að viðkomandi sækir um sem sjálfboðaliði, hvað umsækjandi telur sig hafa fram að færa sem geti nýst við sjálfboðaliðastörf, hver áhugamálin eru o.s.frv. Gott er að móta bréfið svolítið eftir verkefninu. Endilega taka allt fram sem eykur líkurnar á að verða fyrir valin t.d ef þú hefur verð í félags- eða íþróttastarf, sjálfboðastarfi, fengið viðurkenningar og þess háttar. Bréfið skal vera ½ -1 blaðsíða.