Það er forgangsatriði í áætluninni Evrópu unga fólksins að efla skilning ungs fólks á því að það sé evrópskir borgarar.

Markmiðið er að hvetja ungt fólk til þess að velta fyrir sér evrópskum málefnum og gera ungmennin að þátttakendum í umræðum um uppbyggingu og framtíð Evrópusambandsins. Til að ná þessu fram þurfa verkefnin að sýna fram á mikla evrópska vídd og ýta undir umræðu um evrópskt þjóðfélag og gildismat þess.

Aðalforgangsatriði Evrópu unga fólksins er virk þátttaka ungs fólks í samfélaginu. Helsta markmiðið er að hvetja ungmenni til að vera virkir þjóðfélagsþegnar. Þátttakan getur verið af ýmsum toga eins og fram kemur í samþykkt Ráðherraráðsins um sameiginleg markmið varðandi þátttöku unga fólksins og upplýsingar fyrir það:

 
Markmiðin eru:

• Að auka þátttöku ungs fólks í samfélaginu.
• Að auka lýðræðislega þátttöku ungs fólks.
• Að leita leiða til að kenna ungmennum að taka virkan þátt (láta til sín taka).  

Eitt af mikilvægustu forgangsatriðum Evrópusambandsins er að öllu ungu fólki sé gert kleift að taka þátt í Evrópu unga fólksins; einnig ungu fólki sem hefur  takmarkaða möguleika.

Ungt fólk með takmarkaða möguleika er skilgreint sem ungt fólk sem er verr á vegi statt en jafningjar þess, af einni eða fleiri ástæðum sem gerð er grein fyrir hér fyrir neðan. Sú skrá er þó engan veginn tæmandi. Við tilteknar aðstæður koma þessar aðstæður eða hindranir í veg fyrir að ungt fólk hafi aðgang að formlegri eða óformlegri menntun, möguleika á þátttöku í erlendum samskiptum, almennri þátttöku í samfélaginu og  persónulegri uppbyggingu.