Almennt um áætlunina
Evrópa unga fólksins er íslenska heitið á Ungmennaáætlun Evrópusambandsins, Youth in Action. Ungmennaáætlunin hófst 2007 og stendur til 2013. Evrópa unga fólksins er samstarfsverkefni milli Evrópusambandsins, Mennta- og menningarmálaráðuneytisins og Ungmennafélags Íslands.
Evrópa unga fólksins er styrkjaáætlun sem er ætluð ungu fólki í Evrópu á aldrinum 13 - 30 ára og samtökum sem vinna með ungmennum.
Áætlunin veitir styrki til fjölbreyttra verkefna:
- Ungmennaskipti
- Frumkvæði ungs fólks
- Lýðræðisverkefni
- Sjálfboðavinna
- Þjálfun og samstarf
- Samstarf við nágrannalönd - ungmennaskipti/þjálfun og samstarf
- Námskeið í Evrópu
Markmið ungmennaáætlunarinnar eru að:
- Efla virka og almenna þátttöku ungs fólks í þjóðfélaginu og sérstaklega þátttöku í evrópska samfélaginu
- Þróa samstöðu og hvetja til umburðarlyndis meðal ungs fólks, sérstaklega með það fyrir augum að stuðla að félagslegum samruna í Evrópusambandinu.
- Stuðla að gagnkvæmum skilningi milli ungmenna í ólíkum löndum
- Auka gæði stuðningsaðgerða fyrir starfsemi tengda ungmennum og getu óformlegra samtaka sem starfa fyrir ungmenni.
- Efla samvinnu Evrópulanda á sviði æskulýðsmála.
Forgangsatriði ungmennaáætlunarinnar eru:
- Evrópsk borgaravitund
- Þátttaka ungs fólks
- Menningarlegur fjölbreytileiki
- Þátttaka ungs fólks með takmarkaða möguleika
Einnig ber að hafa í huga forgangsatriði ársins og innlend forgangsatriði þegar umsóknir eru fylltar út.
