Dæmi um ungmennaskipti
Hópur drengja úr knattspyrndeild Aftureldingar fóru ásamt foreldrum úr foreldrafélagi deildarinnar í 6 daga ungmennaskipti til Svíþjóðar í júní 2010. Þema verkefnisins var Íþróttir og útivist ásamt því að drengirnir fengu að kynnast sænskri menningu og kynna íslenska menningu fyrir sænsku þátttakendunum. Verkefnið tókst mjög vel og hlaut viðurkenningu sem eitt af fyrirmyndarverkefnum EUF í Evrópskri ungmennaviku 2011.
They shall all be one var fjölþjóðlegt ungmennaskiptaverkefni sem fór fram á Íslandi, á Ítalíu og í Tyrklandi árið 2010. Markmið verkefnisins var að gefa ungu fólki af ólíkum trúarbrogðum tækifæri til að kynnast sín á milli til að auka víðsýni þeirra og fyrirbyggja fordóma. Verkefnið tókst mjög vel og hlaut viðurkenningu sem eitt af fyrirmyndarverkefnum EUF í Evrópskri ungmennaviku 2011.
