Leiðbeinandi er einstaklingur sem aðstoðar þátttakendur í verkefnum að móta og framkvæma verkefnin á sem bestan hátt. Í frumkvæðisverkefnum er mögulegt að fá styrk að allt að €1.150 til að greiða fyrir kostnað tengdum leiðbeinanda.  Leiðbeinendur í frumkvæðisverkefnum hafa reynslu af því að vinna með ungu fólki, ýmist sem þátttakendur í frumkvæðisverkefnum sjálfir eða af öðrum vettvangi. Þá er líka gott að leiðbeinandi hafi reynslu eða þekkingu á efnislegum hliðum verkefnisins. Leiðbeinandi er ekki hluti af hópnum sem framkvæmir verkefnið heldur er hann einstaklingur sem stendur fyrir utan hópinn og veitir góð ráð.

Leiðbeinandi ER:

• einhver sem styður við verkefnisferlið
• með þekkingu á Evrópu unga fólksins
• með reynslu af ungmenna- og æskulýðsverkefnum

Leiðbeinandi er EKKI:

• verkefnisstjóri
• þátttakandi í verkefninu
• faglegur leiðbeinandi sem veitir eingöngu tæknilega aðstoð (t.d. íþróttaþjálfari,  tónlistarkennari eða leikstjóri)

Meðal þess sem leiðbeinandi getur veitt ráðgjöf við er að styrkja óformlegt nám, að finna leiðir til að auka sýnileika verkefnisins, eða að finna leiðir til að útkjá ágreining innan hópsins.
Umsækjendur og styrkþegar sem ekki hafa reynslu af frumkvæðisverkefnum og ungmenna- og æskulýðsstarfi eru sérstaklega hvattir til þess að nýta sér þjónustu leiðbeinanda. Landsskrifstofa Evrópu unga fólksins getur hjálpað til við að finna leiðbeinanda við hæfi, ef eftir því er óskað.