Dæmi um frumkvæðisverkefni
Hér má sjá dæmi um nokkur af þeim frumkvæðisverkefnum sam fengu styrk hjá Evrópu unga fólksins frá því að áætlunin hóf göngu sína árið 2007. Frá 2007-2010 voru 60 frumkvæðisverkefni styrkt af Evrópu unga fólksins en á þeim tíma sóttu 105 hópar um styrk
Á vefsíðu SALTO má finna fleiri dæmi um bæði innlend frumkvæðisverkefni og fjölþjóða frumkvæðisverkefni.
Verkefnið fól í sér að skipuleggja og halda námskeið fyrir ungar hreyfihamlaðar stúlkur haustið 2009. Styrkþegar voru fjögur ungmenni á aldrinum 19-30 ára. Þátttakendur á námskeiðið, sem þær sáu um, voru 10 hreyfihamlaðar stúlkur á aldrinum 10-15 ára. Verkefnið var valið besta verkefni Evrópu unga fólksins á verðlaunahátíð í tilefni af Evrópskri ungmennaviku 2011.
Borghildur, hópur arkítektúrnema við Listaháskóla Íslands, fékk styrk til þess að rannsaka hegðun fólks í Reykjavík. Í verkefninu var kannað hvernig fólk hegðar sér í mismunandi rýmum í borginni, hvernig fólk nýtir rýmin og hvernig þau eru hönnuð. Verkefninu lauk með útgáfu á bók og kvikmynd, sem báðar heita Borgaraleg hegðun, þar sem niðurstöðurnar eru kynntar.
Hópurinn Ungir aðgerðasinnar fengu styrk fyrir verkefninu Mismunandi staða ungs fólks í fyrrverandi nýlendum Evrópuþjóða 1. september 2008. Markmið verkefnisins var að gera heimildarmynd til að bera saman líf ungs fólks í tveimur fyrrverandi nýlendum Evrópuþjóða, Íslandi og Úganda. Verkefnið tókst mjög vel til úr varð glæsileg 40 mínútna heimildarmynd sem frumsýnd var í Háskólabíó árið 2010. Í myndinni er fylgt eftir þremur ungmennum frá hvoru landi, sjómönnum, leiklistarnemum og frumkvöðlum.
