Evrópa unga fólksins
Frumkvæði ungs fólks
Hvað er Frumkvæði ungs fólks
- Ungt fólk verður að hafa frumkvæði að frumkvæðisverkefni.
- Ungt fólk verður að undirbúa og skipuleggja frumkvæðisverkefni.
- Ungt fólk verður að taka þátt í og sjá um framkvæmd á frumkvæðisverkefni.
- Aldurstakmark 18-30 ára. 15-17 ára geta tekið þátt í verkefninu ef þeir eru með leiðbeinanda sér við hlið.
- Frumkvæðisverkefni geta verið unnin eingöngu af Íslendingum og er lágmark þátttakenda 4.
- Frumkvæðisverkefni geta verið samstarf fleiri þjóða og er lágmark þátttakenda 8 (4 þátttakendur í hverjum hópi).
- Lengd verkefnis getur verið 3-18 mánuðir.
- Frumkvæðisverkefni eru unnin í þremur hlutum: undirbúningur, framkvæmd, mat.
Markmið
Að ungt fólk komi hugmyndum sínum á framfæri.
Að ungt fólk sé í aðalhlutverki hvað varðar framkvæmdina á verkefninu.
Að frumkvæði, framtakssemi og sköpunargáfa sé höfð að leiðarljósi.
Hugmyndin um óformlegt nám er þýðingarmikill þáttur í frumkvæðisverkefni. Einnig er hugmyndin að leggja af mörkum til að stuðla að uppbyggingu Evrópu mikilvæg sem og hugsunin að vera Evrópubúi en ekki eingöngu Íslendingur.
Undirbúningsheimasókn - Aðeins fyrir fjölþjóðleg frumkvæðisverkefni
Við mælum með því að umsækjendur nýti sér þann möguleika að fara í undirbúningsheimsókn áður en að verkefnið fer fram, sérstaklega ef að um nýtt samstarf er að ræða. Sótt er um undirbúningsheimsókn samhliða umsókn um styrk fyrir frumkvæðisverkefni og er veittur fullur ferðastyrkur fyrir þá heimsókn. Undirbúningsheimsókn getur verið í mesta lagi 2 dagar að undanskildum ferðadögum. Í undirbúningsheimsókn mega mest vera tveir þátttakendur frá hverju landi. Nákvæm dagskrá fyrir undirbúningsheimsókn verður að fylgja með umsókn.
