Langar þig að gera eitthvað nýtt eða öðruvísi?

 

 

Ef þig langar t.d. að læra hárgreiðslu eða blómaskreytingar í öðru landi, læra nýtt tungumál, fara í sjálfboðavinnu, eða vinna í öðru landi í sumarfríinu þínu þá getur þú haft samband við Evróvísi á Íslandi. Þar getur þú fengið svar við þínum spurningum.

 

 

Evróvísir er í samstarfi við aðrar skrifstofur í Evrópu sem upplýsa um tækifæri ungs fólks. Viljir þú t.d. vinna á Spáni eitt sumarið þá getur starfsmaður Evróvísis á Íslandi haft samband við starfsmann Evróvísis á Spáni og beðið um upplýsingar og ábendingar um hvernig á að snúa sér í málinu.

 

 

Evróvísir veitir upplýsingar um styrki fyrir ungt fólk í Evrópu.  Styrkjaáætlanir eru á sviði formlegrar og óformlegrar menntunar, starfsmenntunar og starfsþjálfunar, sjálfboðavinnu sem og æskulýðsmála. Markhópurinn er ungmenni á aldrinum 13-30 ára og fólk sem vinnur með þessum aldurhópi. Hægt er að sækja um styrki í ýmis verkefni og komast í samstarf við fólk í Evrópu með sömu áhugamál og hugsjónir.

 

 

Evróvísir sér einnig um Evrópsku ungmennagáttina.  Þar er hægt að finna upplýsingar um menntun í 31 Evrópulandi eins og t.d. háskólamenntun, starfsmenntun, tungumálanám og óformlega menntun. Þar er einnig að finna upplýsingar um atvinnumöguleika í Evrópu eins og t.d.í sumarfríum, starfsþjálfun, sjálfboðavinnu og au-pair. Síðan eru þarna upplýsingar um áhugaverðar netsíður og ferðamöguleika í Evrópu.

 

 

Tækifærin bíða eftir þér. Athugaðu hvað er í boði fyrir þig og félaga þína á www.evrovisir.is. Upplýsingarnar undir „Evróvísir“ hér efst á síðunni skiptast í eftirfarandi málaflokka: Styrkir, menntun, atvinna, starfsmenntun, verkmenntun og áhugaverðar síður.

 

 

Evrópa unga fólksins (EUF)

Laugavegi 170

105 Reykjavík

Sími: +354 551 9300

Netfang: evrovisir (hjá) evrovisir.is