Starfsþjálfun
18.5 2012
Hefur þú áhuga á að fara í starfsþjálfun út í heim? Kíktu á netsíðurnar hér fyrir neðan.
Leonardó
Leonardó styrkir mannaskiptaverkefni sem felur í sér heimsóknir og starfsþjálfun í Evrópu. Mannaskiptaverkefnum er skipt í tvo flokka:
- Mannaskipti eru fyrir fólk í starfsnámi, í starfsmenntaskólum, á iðnsamningi sem og fólk á vinnumarkaði. Starfsþjálfunina má taka sem hluta af námi, eftir að námi er lokið eða á meðan á samningi stendur. Markmið verkefnanna er að auka faglega færni og starfsmöguleika ungs fólks hvar sem er í Evrópu, auka þroska, víðsýni, tungumálakunnáttu og menningarskilning.
- Starfsmannaskipti eru fyrir leiðbeinendur, kennara, fræðslustjóra eða starfsmannastjóra í fyrirtækjum og stofnunum. Styrkir eru einnig veittir til leiðbeinenda/kennara sem vilja auka tungumálakunnáttu vegna starfs síns.
Evrópa unga fólksins
EUF veitir styrki til fjölbreyttra verkefna og þar á meðal er flokkur sem heitir þjálfun og samstarf. Helsta markmið þessa flokks er að styðja við þá sem eru virkir í æskulýðsmálum í Evrópu.
Alþjóðleg stúdentasamtök
AIESEC eru stærstu alþjóðlegu stúdentareknu samtök í heiminum. Þau gefa stúdentum og brautskráðum stúdentum tækifæri á að vinna erlendist í a.m.k. 6 vikur.
Starfsnám
Alþjóðaskrifstofa Háskóla Íslands gefur hér upplýsingar um starfsnám víða í heiminum.
