Hvað þarf að gera til að fá sjálfboðaliða?

Til að geta fengið sjálfboðaliða til að koma og starfa að verkefni þá þarf fyrst og fremst að búa til verkefni. Verkefnið þarf að innihalda/byggja á vissum þáttum sem ungmennaáætlunin byggir á. Öll verkefni sem eru framkvæmd innan Evrópu unga fólksins þurfa að hafa að lágmarki eitt af forgangsatriðunum.

Í A hluta handbókar er farið yfir þessi varanlegu forgangsatriði og hvað þau standa fyrir. Þau eru fjögur:

• Evrópskur ríkisborgararéttur
• Þátttaka ungs fólks
• Fjölmenning
• Þátttaka ungsfólks sem býr við færri tækifæri

Fyrir utan þessi varanlegu forgangsatriði þá eru einnig árleg atriði sem leggja má áherslu á.
Fyrir 2007 voru eftirfarandi forgangsatriði

• Evrópskt ár jafnra tækifæra
• Bæta heilsu ungs fólks

Fyrir 2008 eru eftir farandi forgangsatriði

• Evrópskt ár menningarlegra umræðna
• Barátta gegn ofbeldi gagnvart konum
• Íþróttir sem tæki til að virkja ríkisborgarrétt og félagslega þátttöku ungs fólks
• Efla heilbrigðan lífsstíl með líkamlegum verkefnum þar með talið íþróttir
• Undirbúningur fyrir Evrópskt ár nýsköpunar og frumkvæðis 2009 og kosningar til Evrópuþingsins

Þessi forgangsatriði, árleg sem og varanlegu er hægt að kynna sér betur með því að skoða hluta A í handbókinni.

Hérna er þýðing úr handbókinni um það hvernig eigi að búa til gott sjálfboðaverkefni. Starfsfólk Landsskrifstofunnar aðstoðar einnig við að útbúa áhugayfirlýsingu en það þarf að vera á ensku.

Ef það vakna fleiri spurningar eða ykkur vantar aðstoð hafið þá samband við Evu Vilhjálmsdóttur á Landsskrifstofunni, eva(hjá)euf.is s: 551 9300.