Evrópa unga fólksins - styrkir fyrir ungt fólk í Evrópu

Næsti umsóknarfrestur er

1. september
2010

Vegna verkefna sem
hefjast:
1. desember 2010 -
30. apríl 2011

Velkominn á heimasíðu Evrópu unga fólksins

Lýðræðisverkefni

Markmið

Að auka þátttöku ungs fólks í lýðræðislegu samfélagi.

Að hvetja til þátttöku ungs fólks heima í héraði, á landsvísu og á alþjóðlegum vettvangi.

Hvað er lýðræðisverkefni?

Samsafn af hugmyndum, reynslu og aðferðafræði til þess að auka þátttöku ungs fólks í samfélaginu.
Þátttakendur frá a.m.k tveimur Evrópuþjóðum.
Fjöldi þátttakenda: a.m.k. tveir hópar/samtök frá hverju landi. Lágmark 16 ungir þátttakendur.
Lengd verkefnis 3-18 mánuðir.
Aldurshópur 13-30 ára.
Sérfræðingar og/eða þeir sem eru í ákvarðanatöku geta verið á öllum aldri. Þeir fá hins vegar ekki styrk úr sjóð Evrópu unga fólksins. Þeirra framlag (ferð, uppihald og gisting) verður að vera fjármagnað af öðrum.
Lýðsræðisverkefni eru unnin í þremur hlutum: undirbúningur, framkvæmd, mat.

Við styrkjum:

75% af öllum samþykktum kostnaði (ferðakostnaður, uppihald, útgáfukostnaður, kostnaður vegna námskeiða o.fl
Styrkur getur mest verið 50.000 €

Allar tölur um styrki eru birtar með fyrirvara um breytingar af hálfu Evrópu unga fólksins

Dæmi um verkefni:

Myndun tengslanets í þeim tilgangi að læra af reynslu annarra í æskulýðsmálum og hvernig þeir hafa hvatt ungt fólk til þátttöku.
Þarfir og óskir ungmenna um þátttöku þeirra í samfélaginu.
Ráðstefnur eða námskeið fyrir ungt fólk um lýðræðislegt samfélag þ.á.m. umræða um stofnanir Evrópusambandsins og hlutverk þeirra.
Umræður milli ungmenna og valdhafa í samfélaginu.
Atburður í líkingu við starfsemi samtaka/félaga/stofnana í lýðræðislegu samfélagi.

Áhersla er lögð á óformlega fræðslu.

Dæmi um lýðræðisverkefni

40 ungmenni frá 11 Evrópuþjóðum hittust í 10 daga til að líkja eftir vinnu þingmanna hjá Evrópuþinginu og ákvarðanatöku þeirra. Ungu þátttakendurnir útnefndu einn þátttakenda sem forseta þingsins og skipuðu síðan í nefndir til að fjalla sameiginlega um málefni ESB og málefni unga fólksins í Evrópu. Eftir það fóru þau í þingsal og tóku ákvarðanir um málefni ungmenna í Evrópu. Á þessum 10 dögum hittu þau einnig fulltrúa frá stofnunum ESB og þá sérstaklega þingmenn.